أغلى وصل وفراق

ياماخذ الاول بحسنك على فصلك
‎قلبي الى رحت ولا جيت لك مرقا

‎الشوق وسط الحشا كنه مخصص لك
‎غلاك ثابت مهو ينزل ولا يرقا

‎ياناوي البعد لاتجرحني ابنصلك
‎ترى المحبين في بحر الهوى غرقا

‎ومدامك امصمم امصمم فمن اصلك
‎الطيب انك تراعي كبدي الحرقا

‎ارجوك قبل الوداع اريد من مصلك
‎جرعه تخفف علي لناحت الورقا

‎عضوية القلب ماتقدر على فصلك
‎مادمت فلقلب ثابت كنك البرقا

‎اقول مرخوص والخفّاق يرخص لك
‎لو وصلي ارضك ووصلك لي سما زرقا

‎اغلا هل الوصل مدامك على وصلك
‎و إلى نويت الفراق اغلا هل الفرقا

حمدان بن محمد بن راشد آل مكتوم