الظبي

‎الله واكبر منك يا فتنة دبي
‎حالتك يالمـزيون ماهي بحاله

‎ناسٍ تقول ان الغزاله هي اللي
‎لها عليك من الوصـايف دلالـه

‎وناسٍ تقول ان الظبي اقرب شوي
‎في وقفته في لفتته في انفعاله

‎وانـا رغـم آرائـهـم ودّي انّـي
‎احاول اشـرح كل رأي لحـاله

‎لا صار بين امك وبين الظبي شي
‎وربّي وهبك من الوصايف جماله

‎والا ابوك في لحظه الطيش والغي
‎سـوّا عـلاقـة عـابـرة مع غـزالـه

‎عموماً ان كان السبب ذيك أو ذي
‎ياكبر حـظ اللـي جذبك لوصـاله

حمدان بن محمد بن راشد آل مكتوم